2019-cu ilin yanvar-aprel ayları ərzində Ədliyyə Nazirliyinin qeydiyyat şöbələri tərəfindən ölkədə 18273 nikah qeydə alınıb.
Dövlət Statistika Komitəsindən Xeberle.com -a bildirilib ki, bu müddət ərzində 668 Azərbaycan vətəndaşı xarici ölkə vətəndaşı ilə nikaha daxil olub.
Onlardan 378-i Azərbaycan vətəndaşı olan qadınlarla xarici ölkə vətəndaşı olan kişilər arasında, 290-u isə Azərbaycan vətəndaşı olan kişilərlə xarici ölkə vətəndaşı olan qadınlar arasında bağlanmış nikahlardır.
Qeyd edək ki, 2018-ci ilin yanvar-aprel ayları ərzində 366 Azərbaycan vətəndaşı olan qadın xarici ölkə vətəndaşı olan kişi ilə ailə həyatı qurub, həmçinin 311 Azərbaycan vətəndaşı olan kişilərlə xarici ölkə vətəndaşı olan qadınlar arasında nikah bağlanılıb.
Xəbərdən istifadə edərkən istinad etmək vacibdir.
