Ağamirzə Əhədov: “10 icra başçısı yola salmışam. Heç birini saymamışam və bunu da saymıram”.

Portalımızın electron ünvanına məktub daxil olub. Məktubu olduğu kimi diqqətinizə çatdırırıq:

Sumqayıt şəhəri 45-ci məhəllə, ev 5/81, mənzil 38-də qeydiyyatda olan Miriyev Ruslan Mirsamid oğlu tərəfindən 

                                                MƏKTUB

Yazıb sizə bildirmək istəyirəm ki, mən Miriyev Ruslan və bacımın həyat yoldaşı Rəfiyev Elman Sumqayıt şəhərinin mərkəzi bazarı “Karvan” Ticarət Mərkəzində 7 ilə yaxın işləmişik. 2011-ci ilin aprel ayının 4-də bazarkom Ağamirzə Əhədovun tapşırığı əsasında bazarın əməkdaşları - bir qrup şəxs işlətdiyimiz dükana soxularaq, müqavilə şərtlərini pozaraq dükandan malları bayıra atdılar  və 17 gün öz anbarında saxladılar. Aramızda olan söz-söhbət Fövqəladə Hallar Nazirliyinin (FHN) Sumqayıt Regional Mərkəzinin və Vergilər Nazirliyinin əməkdaşlarının kiçik sahibkarlar üçün yaratdığı problemlər idi. 2 il 8 aydır ki, Prezident Aparatına, Vergilər Nazirliyinə, FHN-nə, Sumqayıt ŞİH-nə, Milli Məclisə məktublar yazıram və görüşlərdə oluram və insan haqlarının Azərbaycan Republikasında pozulmasını açıq-aydın görürəm. Dükandan bayıra atılandan sonra topdansatışa olan borclar, banklara olan borclar indiyə kimi bizə problem yaradır. Mərkəzi Bankın idarə heyətinin sədri Elman Rüstəmov cənablarının söylədiyi sözləri xatırlayıram, belə söyləmişdi:

“Azərbaycanda özəl banklar öz müştərilərini aldadırlar, risk adlandırırlar, yüksək faizlə öz pullarını verirlər, problem yarananda riski göz önünə almırlar”.

Bu cümlədən belə nəticəyə gəlmək olar ki, Azərbaycanda banklarda özbaşınalıqdır və Elman Rüstəmov cənabları gözü görə-görə yola verir və banklara söz deyə bilmir. Əgər belə deyilsə, nəyə görə vətəndaşı qəbul edib kömək etmir?

FHN-nə, şəxsən Kəmaləddin Heydərov cənablarına 6 məktub yazmışam, 3-nə cavab almışam, qalan 3-nə cavab almamışam. FHN-nin Sumqayıt Regional Mərkəzinin şöbə rəisi Rasim müəllimin söylədiyi belə oldu:

“İstəyirsən 100 məktub yaz, nə olsun”?!

Kəmaləddin Heydərov cənabları Sumqayıt şəhərində vətəndaşlarla görüş keçirərkən məni 2 saat başqa bir otaqda bağlı vəziyyətdə saxladılar və mənə bildirdilər ki, sənin nazirlə görüşməyin şöbə rəisi Rasim müəllimə problem yaradar. Belə nəticəyə gəlmək olar ki, Kəmaləddin Heydərov cənabları ilə görüşmək və bu özbaşınalığı nazirə söyləmək mənə nəsib olmayacaq. Sumqayıt şəhərində 10 illərdir ki, “Karvan” Ticarət Mərkəzinin sahibi Ağamirzə Əhədov at oynadır. Mən icra başçısı Eldar Əzizovu bazara gətirməyi söyləyəndə bazarkom belə söyləmişdi ki:

“10 icra başçısı yola salmışam. Heç birini saymamışam və bunu da saymıram”.

İcra başçısı Eldar Əzizovun qəbulunda oldum və insan adam olduğunu gördüm. Eldar müəllim bazarkoma zəng etdi və bir dəfə şöbə rəisini bazarkomun yanına göndərib ondan yaratdığı problemi aradan qaldırmağını xahiş etdi. Ancaq bu insan ALLAHı da tanımır. Seyid balalarının haqqına girmək ALLAHa xoş gəlməz. ALLAH bizlədir.

Cənab prezidentimizdən, Mehriban xanım Əliyevadan, FHN-imizdən, Mərkəzi Bankın idarə heyətinin sədrindən səsimə səs verməyi xahiş edirəm. Bu haqsızlığı ALLAH da götürmədi. ARDI VAR.........

  İmza / Miriyev Ruslan/

              Rəfiyev Elman            Mobil: 055-856-12-15           Tarix  26.12.2013

Yazıda adları çəkilən tərəflərin də mövqeyini işıqlandırmağa hazırıq.

Xeberle.com