Sumqayıtda son 4 ildə 80 nümunəvi həyət yaradılıb.
Bu barədə Xeberle.com-a Sumqayıt şəhər İcra Hakimiyyəti
Mənzil Kommunal Təsərrüfatı İstehsalat Birliyinin sözçüsü Xaqani Həşimov məlumat
verib. X. Həşimov bildirib ki, bu ilin mart ayında 10 yaşayış massivində, eləcə də 15 iyun Milli Qurtuluş və 26 iyun Silahlı Qüvvələr Günü ərəfəsində isə 8 məhəllədə həyətlər yenidən qurularaq sakinlərin istifadəsinə verilib. Hazırda Hacı Zeynalabdin qəsəbəsində, Şirvan yaşayış massivində və 4-cü mikrorayonda 3 həyətdə tamamlanma işləri gedir.
Onun sözlərinə
görə, yaxın günlərdə həmin həyətlər də sakinlərin istifadəsinə veriləcək:
"Həyətlərdə asfalt örtüyü yenilənib, uşaqlar üçün əyləncə-idman
meydançaları qurulub, sakinlərin istirahəti üçün oturacaqlar quraşdırılıb, ağac
və gül kolları əkilib, binaların fasadları rənglənib".
Qurum sözçüsü yenidən qurulacaq növbəti həyətlərin yerlərinin
müəyyənləşdirilməsi istiqamətində işin getdiyini də sözlərinə əlavə edib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
