"Qadın Təşəbbüsü və Sosial Problemlərin Həllinə Yardım” İctimai Birliyinin sədri Zenfira Mustafayeva iyul ayında gördüyü işlərin hesabatını açıqlayıb.
Xeberle.com həmin hesabatı təqdim edir:
"Cari hesabat dövründə ümumilikdə 61 nəfər hüquqi və psixoloji yardım üçün Mərkəzə müraciət etmişdir. Xidmətlərdən yararlanmaq üçün müraciət edən 61 nəfərdən 46 nəfərə hüquqi xidmət, 15 nəfərə isə psixoloji xidmət göstərilmişdir. Müraciət edən şəxslərdən 8 nəfərin qohumları olan 14 uşağa da xidmətlər göstərilmişdir. Hüquqi və psixoloji xidmət üçün olunan müraciətlərin məzmunu (problemlər):
1. Maliyyə məsələləri – 7 müraciət.
2. Əmlak – Mülkiyyət hüququ – 6 müraciət.
3. Boşanma (Nigahın ləğvi) – 2 müraciət
4. Himayəçilik məsələləri - 9 müraciət.
5. Əmək hüququ – 4 müraciət.
6. Pensiya hüququ – 4 müraciət.
7. Aliment məsələləri – 10 müraciət.
8. Məişət zorakılığı – 7 müraciət.
9. Digər sosial problemlər – 10 müraciət.
10. Seksual zorakılığ üzrə - 2 müraciət.
Xidmətlərdən yararlanmaq üçün müraciət edənlərin cinsi üzrə sayı:
- 35 nəfər qadın;
- 26 nəfər kişi.
Hüquqi xidmət üçün müraciət edənlərin hər birinə keyfiyyətli şifahi hüquqi məsləhətlər verilmişdir. Müraciət edənlərdən 18 nəfərin işi üzrə ərizə, şikayət və müraciətlərin hazırlanmasında və göndərilməsində köməklik göstərilmişdir. Hüquqi xidmət göstərilən şəxslərdən 16 nəfərin işi məhkəmə instansiyalarında olduğu üçün nəzarətə götürülmüşdür. Bu müraciətlər üzrə məhkəmə proseslərinin gedişatı izlənilmiş, vəsatətlər və ərizələrin hazırlanmasında da köməklik göstərilmişdir.
Müraciət edən şəxslərə davamlı və keyfiyyətli psixoloji xidmətin göstərilməsi təmin edilmişdir. Psixoloji xidmətin davamlığının və keyfiyyətinin təmin edilməsi üçün müraciət edənlərin yaxın qohumlarına da xidmətlərin göstərilməsi həyata keçirilmişdir. Bu məqsədlə müraciət edənlərin övladları olan 14 azyaşlı uşağa da psixoloji xidmət göstərilmişdir.
Hesabat dövründə Mərkəzə təkrar müraciətlər də edilmişdir. Ümumilkdə 26 nəfər xidmətlərdən təkrarən yararlanmaq üçün Mərkəzə müraciət etmişdir. Müraciət edən şəxslərdən 10 nəfəri qadın, 16
nəfəri isə kişi olmuşdur. Mərkəzə təkrarən müraciət edən şəxslərdən 18 nəfərə hüquqi xidmət, 8 nəfərə isə psixoloji xidmət göstərilmişdir.
Ötən hesabat dövründə olduğu kimi, bu hesabat dövründə də Mərkəzə müxtəlif regionlardan müraciətlər daxil olmuşdur. Mərkəzə digər regionlardan daxil olan müraciətlərin statistikası aşağıdakı kimidir;
- Şamaxı rayonu – 2 müraciət
- Lənkəran raoyunu – 1 müraciət
- Bakı şəhəri – 6 müraciət;
- Xızı rayonu – 3 müraciət;
- Xaçmaz şəhəri – 2 müraciət;
- Quba rayonu – 4 müraciət;
- Abşeron rayonu - 6 müraciət;
- Şabran rayonu – 2 müraciət;
- Qusar rayonu – 2 müraciət.
- Qəbələ rayonu – 1 müraciət.
Mərkəzə müraciət edən 61 nəfərdən 32 nəfəri Sumqayıt şəhər sakini, digər 29 nəfəri ilə yuxarıda qeyd edilən regionların sakinləri olmuşdurlar.
Mərkəzə digər regionlardan müraciətlərin sayının artırılması üçün sosial şəbəkələrdə mütəmadi elanların verilməsi öz təsirini göstərmiş və əvvəlki hesabat dövründən fərqli olaraq bu hesabat dövründə regionlardan müraciətlərin sayı daha çox olmuşdur.
Müraciət edənlərdən 7 nəfər məişət zorakılığının 2 nəfər isə seksual zorakılığın qurbanı aşkar edilmişdir. Bu şəxslərin hər birinə keyfiyyətli və davamlı xidmətlər göstərilmişdir. Məişət zorakılığının qurbanı olmuş şəxslərə psixoloji xidmətin göstərilməsi zamanı hüquqi xidmətdən istfadə barədə də tövsiyələr verilmişdir. Əvvəlki hesabat dövründə Mərkəzə müraciət etmiş məişət zorakılığı, seksual zorakılığın qurbanaları ilə iş davam etdirilmişdir.
Məişət və seksual zorakılığının qurbanı olmuş şəxslər insan alverinin potensial qurbanları hesab edildiyi üçün onlar ilə mütəmadi işin qurulması və daimi xidmətlərin göstərilməsi üçün müvafiq tədbirlər görülmüşdür.
- Hesabat dövrü ərizndə ümumilikdə 12 nəfərin işi üzrə müxtəlif dövlət orqanlarına müraciətlər edilmişdir. Bu müraciətlərə veriləcək cavablara əsasən xidmətlərin davam etdirilməsi planlaşdırılmışdır. Əvvəlki hesabat dövründə edilmiş müraciətlərə verilmiş cavablara əsasən xidmətlər davam etdirilmişdir.
- Hesabat dövrü ərzində 2 qadın benefesiarın və 5 uşağın tibbi müayinədən keçməsinə şərait yaradılmışdır.
- Sumqayıt şəhər İcra Hakmiyyətinin dəstəyi ilə 1 qadın və 1 kişi benefesiar daimi iş ilə təmin edilmişdir.
- Hesabat dövründə 3 qadın yeni bilik və bacarıqlar əldə edilməsi üçün müvafiq peşə təlimlərinə cəlb edilmişdirlər.
Cari hesabat dövründə Sumqayıt şəhər İcra Hakimiyyəti və Ailə, Qadın və Uşaq Problemləri üzrə Dövlət Komitəsi tərəfindən Mərkəzin xidmətlərindən yararlanması üçün benefesiarlar yönəldilmişdir. İcra Hakimiyyəti tərəfindən Mərkəzə yönəldilmiş 11 nəfər benefesiar, Ailə, Qadın və Uşaq Problemləri üzrə Dövlət Komitəsi tərəfindən Mərkəzə yönəldilmiş 5 nəfər benefesiara keyfiyyətli xidmətlər göstərilmişdir. Nəzərə almaq lazımdır ki, bu orqanlar hər hesabat dövründə daha çox benefesiarı Mərkəzin xidmətlərinə yönəldir və statistika artan temp ilə davam edəcəkdir.
- Hesabat dövrü ərzində 6 benefesiarın işi üzrə alimentin miqdarının artırılmasına dair yeni məhkəmə qərarlarının alınması mümkün olmuşdur. Qətnamələrin icra edilməsi nəzarətə götürülmüşdür.
- Məişət zorakılığının qurbanı olmuş 3 uşağa sosial xidmətlərin (sosial işçi xidmətinin) göstərilməsi təmin edilmişdir.
-
- Hesabat dövrü ərzində xidmətlər göstərilən 4 nəfər benefesiarın işi üzrə icra edilməyən alimentə dair məhkəmə qərarlarının icrası təmin edilmişdir. Ümumilikdə toplanmış 7250 manat aliment borclarının ödənilməsi təmin edilmişdir.
- Hesabat dövrü ərzində ümumilikdə 2 nəfər valideyinin öz uşaqları ilə ünsiyyətdə olması təmin edilmişdir. Bu qətnamələr ümumilkdə 6 uşağı əhatə etmişdir.
- Hesabat dövrü ərzində 3 nəfər benefesiarın pozulmuş mülkiyyət hüquqları məhkəmə qaydasında bərpa edilmişdir.
- Əvvəlki hesabat dövründə xidmətlər üçün müraciət edən şəxslərdən 2 nəfər benefesiarın pozulmuş əmək hüquqlarının bərpasına nail olunmuşdur.
- Hesabat dövrü ərzində 3 nəfər qadının nigahın ləğvinə dair məhkəmə proseslərində hüquqlarının tam təmin edilməsinə nail olunmuşdur.
- Əvvəlki hesabat dövründə xidmətlər üçün müraciət edən şəxslərdən 3 nəfər benefesiarın sosial problemlərinin həllində köməklik göstərilmişdir. Bu işlər üzrə ünvanlı sosial yarıdımın təyin edilməsi və sair işlər görülmüşdür.
- Boşanmaq ərəfəsində olan 2 ailənin yenidən birləşməsinə nail olunmuşdur.
- Əvvəlki hesabat dövründə xidmətlər üçün müraciət edən şəxslərdən 1 nəfər benefesiarın ölkədən getmək hüququ bərpa edilmişdir.
- 2 benefesiarın işi üzrə atanın razılığı olmadan uşaqların müalicə üçün ölkədən kənara çıxmasına icazənin verilməsinə dair məhkəmə qərarının qəbul edilməsinə nail olunmuşdur. Bu qətnamələrin nəticəsində 4 uşağın xarici ölkədə həkim müayinəsindən keçməsi və müalicə almalarına şərait yaranmışdır.
- Əvvəlki hesabat dövründə xidmətlər üçün müraciət edən şəxslərdən 4 nəfərin işi üzrə onların ziyanına qəbul edilmiş qanunsuz məhkəmə qərarlarının yuxarı məhkəmə instansiyalarında ləğvinə nail olunmuşdur.
- 1 nəfər benefesiarın işi üzrə ona vurulmuş maddi və mənəvi ziyanın əvəzinin ödənilməsi məhkəmə qaydasında təmin edilmişdir.
- Hesabat dövrü ərizndə 2 qadın benefesiarın məişət zorakılığından verdikləri şikayətin obyektiv araşdırması və təqsirkarın məhkəmə qaydasında məsuliyyətə cəlb edilməsinə nail olunmuşdur".
Xəbərdən istifadə edərkən istinad etmək vacibdir.
