Əziz sumqayıtlılar. Sizə şad xəbər çatdıraq. Bu günlərdə şəhərimizin adı yenidən Ginnesin rekordlar kitabına düşdü. Öncəki ildə Sumqayıt burada hazırlanmış dünyanın ən böyük tortuna görə məşhurlaşaraq rekordlar kitabına adını yazdırmışdı.
Bu dəfə isə şəhərimiz fevral günlərində küçələrində ən böyük buz qayalarına rast gəlindiyinə görə adını tarixə yazdı. Şaxtalı fevral günlərində ayrı-ayrı küçələrində 20-30 santimetrə çatan buz kütlələri gözə dəyən Sumqayıtımızın sakinlərini, eləcə də bu gözəlliyin yaranmasına imkan verən müvafiq xidmətin əməkdaşlarını bu böyük uğur münasibətilə ürəkdən təbrik edirik.
Satıcı:
- Ay xanım, niyə düşünürsünüz, niyə tərəddüd edirsiniz? Bu kütümü alın. Mən ölüm təptəzədir. Cəmi beş dəqiqə əvvəl o dənizdə üzürdü.
Qadın: - Ay kişi, bəs niyə tərpənmir? Qəlsəmələri də rəngsizdir. Sanki köhnədir.
Satıcı:
- Pəh. Olmadı ki. Ay xanım, sizin əfsunedici gözəlliyinizdən mən hərəkətsiz donub qalmışam, bətn-bənizim ağarıb, rəngsizləşib. Balıq yazıq necə dözsün bəs?
Floridada, ABŞ-ın hərbi-hava bazasında Ermənistanın gələcək pilotları uçmaq öyrənirlərmiş. Onlardan biri uçuş zamanı təyyarənin mühərrikinin nasaz olduğunu görüb faciəli səslə bazaya bu barədə məlumat verir. Bazadan ona söyləyirlər:
- Erməni kursant, cəld katapulta edin!
Bunu eşitcək bütün erməni kursantlar katapulta edirlər. Həmin gün ABŞ ordusu otuz yeddi təyyarə itirir. Bunların biri mühərriki nasaz, digər otuz altısı isə tam yararlı təyyarələr idi.
Gümrü şəhərində yerli icra rəhbərliyi ilə Rusiya ordusu komandanlığı arasında danışıqlar gedir. Tezliklə rus qoşunları yerli qadın yataqxanalarının ərazisindən çıxarılacaq.
Artıq üç gündür ki, tanınmış sumqayıtlı biznesmen Cahcəlalov itkin düşmüşdür.
Sonuncu dəfə onu optik silahın linzasından Sülh küçəsini keçərkən görüblər.
Yaponiyanın paytaxtı Tokioa işgüzar səfərə gedən Əli Kərimliylə İsa Qəmbər qərara alırlar ki, özlərinə bir ədəd kompüter alsınlar. Kompüter ucuz başa gəlsin deyə, müxalifət liderləri öz aralarında razılaşırlar ki, xarab, sınıq kompüter alsınlar, vətənə dönəndə təmir elətdirərlər. Təki xalis yapon kompüteri olsun, çin geydirməsi olmasın.
Onlar kompüter fabrikinə gəlib istəklərini yarımingiliscə dilə gətirirlər.
Yarım saat söhbətləşdikdən sonra müsafirlərin məhz sınıq kompüter almaq istədiklərini anlayan yapon satıcı rəfdən bir kompüter götürüb yerə çırpır. Onun sındığına əmin olduqdan sonra söyləyir:
- Siz 650 iyen verməlisiniz. Kompüterin qiyməti 600 iyen, əlavə xidmət haqqı da 50 iyen.
- O gün soyuqlamışdım, evdə beş-altı həb var idi, hamısını içdim.
- Və nə oldu?
- Nə olasıdır? Yarım saata nəfəsim kəsilməyə başladı, gözlərim qaraldı, qarnım sancdı. Dedim, bu dəqiqə sonum gələcək.
- Bəs neynədin?
- İndi kompüter əsridir dayna. Dedim skorıya zəng etməkdənsə internet foruma girim, soruşum ki, neynəyim. Düz qırx dəqiqə zülümlə alacağım ilk cavabı gözlədim.
- Cavab nə oldu?
- Yazdılar ki, skorıya zəng elə!
«Burada Şahmərdanov Alqayıt Fəyyaz oğlu uyuyur. O, işıqlı dünyada fasiləsiz olaraq 83 il 6 ay və 4 gün yaşamışdır.
- Ma, Kinder-sürpriz istəyirsən?
- Yox.
- İndi sən məndən soruş.
Rayon yerində iki qoca söhbətləşilər.
- Gözün aydın, eşitdim şəhərdən nəvən gəlib?
- Hə, gəlib. Aydınlıq içində olasan.
- Ev işlərində səni əvəz edirmi?
- Əlbəttə edir. Məsələn, bu səhər əvəzimə pensiyamı alıb xərcləyib.
«Hərdən sənə elə gəlir ki, bütün dünya sənin əleyhinə köklənib. Ancaq sevin! Bu, həqiqət deyil. Dünyanın nəyinə lazımsa axı sən?»
Qardaş, Stalinin vaxtında indiki kimi bardak deyildi. Allaha and olsun, gecə vaxtı küçədə bircə adamın da mobil telefonunu, ya noutbukunu döyüb əlindən alan olmamışdı.
· Lətifə
Kök kişiylə qadını Afrikada adamyeyənlərin əlinə düşürlər. Adamyeyənlər ocaq qalayıb onların ətrafında rəqs edir, ritual nümayiş eləyirlər.
Kişi titrəyə-titrəyə arvadının qulağına pıçıldayır:
- Mən düşünürəm ki, onlar bizi yeməyə hazırlaşırlar.
Qadın əsəbiləşir:
- A kişi, bəsdi də. Sən bu ağır anımızda da həmişəki kimi yemək barədə düşünürsən.
· Lətifə
Şəmkirin Şiştəpə kəndinin orta məktəb məzunlarının görüşü.
- Əziz sinif yoldaşlarım. Mən çox şadam ki, biz yenə də hamımız bir massa arxasına toplaşmışıq. Baxmayaraq ki, hərəmizi tale Rusiyətin bir şəhərinə atb, biz yenə də bir yerdəyik!
· Lətifə
Gecə vaxtı ilə Əfqanıstanda əsgərlik keçmiş kişi yatdığı yerdə dəhşətli səslə bağırıb qan-tər içində ayılır.
Arvadı soruşur:
- Nə olub? Əfqanıstan yuxuna girmişdi?
Kişi tərini silir:
- Yox, toyumuz.
· Fakt
Prezidentliyə namizəd olmuş Hafiz Hacıyev seçicilərlə görüşündə söyləyir:
- Mənim sizə iki sualım olacaq.
Seçicilər yerbəyerdən səslənirlər:
- Sualınızı deyin.
- Birinci sualım budur ki, mənim prezident olmağımı istəyirsinizmi? İkinci sualım isə budur ki, axı niyə istəmirsiniz?
/168saat.com/
Xəbərdən istifadə edərkən istinad etmək vacibdir.
