Tanınmış iqtisadçı qardaşlar Qubad İbadoğlu, Vüqar Bayramov, Qalib Toğrul, Anar Bayramov və Elşad Bayramovun anasının bu gün 65 yaşı tamam olur. Bu barədə Qubad İbadoğlu özünün facebook səhifəsində məlumat paylaşıb. FaktXeber.com kollektivi olaraq hörmətli ekspertlərimizin əziz anasını 65 yaş münasibəti ilə təbrik edir və ona uzun ömür can sağlığı arzulayırıq.
“Bu gün həyatda mənim üçün ən qiymətli varlığın - Anamın 65 yaşı tamam olur. Hələ gəncliyindən həyatın ağır sınaqları ilə üz-üzə qalmış Anam yaxşını-yamanı, dostu-düşməni daha tez tanımalı olub, vaxtından əvvəl ağbirçəkləşib, amma sınmayıb, əyilməyib, mətanətlə, ləyaqətlə 5 oğul böyüdüb, tərbiyə-təhsil verib. Elə ona görə də Tanrının verdiyi 1 ömrə 5 ömür sığışdıran, öz ömrünü deyil, bizim ömrümüzü yaşayan Anamızın şəfqətinin qəlbimizdə alovlandırdığı işığın bir ömür boyu bizi müşayiət edəcəyinə bütün varlığımla inanıram.
Sənin isti ürəyinin qarşısında baş əyirəm, Ana! O bizi həyatın çox zərbələrindən qorudu, hələ uzun illər də qoruyacağına əminəm.
65 yaşın mübarək! “
Xəbərdən istifadə edərkən istinad etmək vacibdir.
