"2011-ci ildən etibarən distant təhsilin inkişaf etdirilməsi və xüsusi qayğıya ehtiyacı olan şagirdlərin bu prosesə cəlb olunması ilə əlaqədar müvafiq layihə icra olunur. Təhsil müəssisəsində qeydiyyatda olan, fiziki məhdudiyyətləri səbəbindən evdə təhsil alan və sağlamlıq cəhətdən distant təhsil alması mümkün olan şagirdlər könüllülük əsasında və valideynlərinin razılığı ilə distant təhsil prosesinə cəlb olunurlar”.
Bu barədə Təhsil Nazirliyindən bildirilib ki, layihə çərçivəsində bu günədək Bakı, Gəncə şəhərləri, Qazax, Samux, Tovuz, İsmayıllı, Ağdam, Ağstafa, Şəmkir rayonlarından ümumilikdə 210 nəfər fiziki məhdudiyyətləri olan şagird və 40 nəfər müəllim layihəyə cəlb olunub:
"Onlar müvafiq İKT avadanlığı, proqram təminatları və Azərbaycan Təhsil Şəbəkəsinə çıxış ilə təmin olunublar. Distant təhsilin icrasını təmin etmək məqsədilə İKT avadanlıqlarından və xüsusi qurğulardan istifadəyə dair müəllim, şagird və valideynlər üçün təlimlər keçirilib. Təcrübə göstərir ki, distant tədris prosesi şagirdlərin öyrənmə prosesinə daha fəal cəlb olunmasına və onların ictimai fəallıqlarının daha da artırılmasına yardım edib. Bunu nəzərə alaraq, hazırda layihənin genişləndirilməsi və daha çox fiziki məhdudiyyətləri olan uşaqların layihəyə cəlb olunması nəzərdə tutulur”.
Xəbərdən istifadə edərkən istinad etmək vacibdir.
