Rabitə və yüksək texnologiyalar sahəsi işçilərinin peşə bayramı günü ilə əlaqədar rabitə işçiləri arasında ən peşəkar "şəbəkə inzibatçısı”, "proqramçı”, "mis və optik kabel calayıcısı”, "xətt qurğuları montyoru”, poçtalyon” və əməliyyatçı adı uğrunda keçirilən yarışların nəticələri məlum olub.

 Peşəyönümlü spartakiadada "Aztelekom” İstehsalat Birliyinin 4 əməkdaşı ən yaxşılar içərisində birinci yeri tutub.

 Məmmədli Elşən Fərrux oğlu – ən peşəkar "Şəbəkə inzibatçısı”, İsbatov Zaur Əflatun oğlu – ən peşəkar "Mis kabel calayıcısı”, İdrisov Elnur Tofiq oğlu – "Fiber-optik kabel calayıcısı”, Əşrəfov Anar Zahid oğlu – ən peşəkar ”Xətt qurğuları mantyoru” nominasiyalarında qalib gəliblər.

 Ən peşəkar "Proqramçı” nominasiyasında isə Quluzadə Etibar Süleyman oğlu ikinci yerə layiq görülüb.

 Qey edək ki, Rabitə və yüksək texnologiyalar sahəsi işçiləri arasında "ən peşəkar rabitəçi” adı uğrunda ümumrespublika müsabiqəsinin keçirilməsi Qaydalarının 3.15-ci bəndinə uyğun olaraq müsabiqədə 1-ci yeri tutanlara "Rabitə ustası” fəxri adı, 2 və 3-cü yerləri tutanlar isə diplom və müxtəlif mükafatlar veriləcək.