Gənclər və İdman Baş İdarəsinin təşkilati dəstəyi ilə Heydər Əliyev Mərkəzi və Sumqayıt Dövlət Universitetinin "Ritorika Klubu”u ilə birgə Dövlət Bayrağı Gününə həsr edilmiş "Bayraq müqəddəsdir!” adlı dəyirmi masa keçirilib. 
Gənclər və İdman Baş İdarəsinin sektor müdiri Rüstəm Sadıqzadə iştirakçıları salamlayaraq Dövlət Bayrağı Günü haqqında məlumat verib, bu günün ölkəmizdə rəsmi bayram kimi qeyd edilməsində Prezident İlham Əliyevin rolunu xüsusi vurğulayıb. R. Sadıqzadə dövlət bayrağımızın yaranma tarixi haqqında da geniş məlumat verib. Daha sonra Baş İdarənin Gənlərlə iş sektorunun baş məsləhətçisi Ceyhun Hüseynov, "Best Friends” təhsil və karyera mərkəzinin direktoru, Prezident təqaüdçüsü Elvin Dadaşov və İ. Qayıbov adına 1 nömrəli tam orta məktəbin X sinif şagirdi Aytən Hacıyeva çıxış ediblər. Sumqayıt Dövlət Universitetinin tələbələri, "Ritorika Klubu”nun İdarə heyətinin üzvləri Bəhruz Bayramov, Pərvin Qocayeva, Nurlan Səmədli və Arzu Nəbizadə çıxışlarında dövlət bayrağının layiqli şəkildə təbliği istiqamətində həyata keçirilmiş tədbirlərdən danışıblar. Sonda disput iştirakçılarına masaüstü dövlət bayraqları təqdim edilib, xatirə şəkili çəkdirilib.(zaman.az)