Azərbaycan televiziyalarının efir məkanını işğal edən şou və bayağı tipli verilişlər nəinki qoca və cavan nəslə, hətta uşaqlara çox pis təsir edir. Əvvəllər uşaqlar körpə yaşlarında alim, həkim, polis peşəsinə yiyələnmək istəyirdilərsə, amma çox təəssüf, indi çoxu müğənni olmaq istəyir. Mövzu ilə bağlı "Milli Mədəniyyətin Təbliği” İB-nin sədri Jalə Cəfərova öz facebook səhifəsində maraqlı status paylaşıb. Birlik.az saytı həmin fikirləri təqdim edir:

 "Yadımdadır, 6-7 yaşlı qız uşağına ad günündə ən gözəl, baxımlı, hətta danışan bir kukla seçərkən əldən düşərdim. Ya da oğlan uşağına müxtəlif çeşidli maşın növləri alanda. İndi qızlar da, oğlanlar da bir ağızdan tələb edirlər. Bəli, məhz tələb edirlər.

 "Mənə ad günümdə mikrofon alın, mikrofon. Mən oxumaq istəyirəm”