Sumqayıtda Azərbaycan Respublikasının Gənclər Fondu maliyyə dəstəyi, Sumqayıt şəhər Gənclər və İdman Baş İdarəsinin təşkilatı dəstəyi ilə "Sumqayıt Tələbələri” İctimai Birliyi tərəfindən Sumqayıt şəhər Gənclər evində "Tələbər arasında "Polyup” ilə hesablama təfəkkürünü inkişaf etdirək” layihəsinin təqdimatı keçirilmişdir. "Sumqayıt tələbələri” İctimai Birliyinin sədri Rüfət Mahmudzadə layihə iştirakçılarını və qonaqları salamlayaraq, onlara layihənin məqsədləri - şagirdlər və tələbələr arasında hesablama düşüncəsini inkişaf etdirmək, real həyatda problemlərin səmərəli üsullarla həllinə yönəlmiş oyun tipli təhsil platformasında şagirdlərə mənimsədilməsi, bilik və bacarıqlarını kəşf etməyə imkan yaratmaq barədə məlumat vermişdir.
Sumqayıt şəhər Gənclər və İdman Baş İdarəsinin rəisi Elgün Hümbətov çıxışında gənclərin ictimai fəallığının artırılması, şagirdlər və tələbələr arasında hesablama düşüncəsini inkişaf etdirməyin vacibliyini qeyd etdi. Layihənin təqdimatında şəhərin ümumi təhsil müəssisələrinin şagirdləri, peşə, orta ixtisas və ali təhsil müəssisələrinin tələbələri, gəncələr təşkilatlarının nümayəndələri, aktiv gənclər və kütləvi informasiya vasitələrinin nümayəndələri iştirak etmişlər. Layihə çərçivəsində görüləcək işlər barədə məlumat ekspert, təlimçi Ramil Süleymanov tərəfindən verilmişdir.
Qeyd edək ki, 3 ay müddətində icrası nəzərdə tutulan layihədə 3 təlim olmaqla ümumilikdə 140 nəfərin iştirakı nəzərdə tutulur. Təlimlərin yekunu olaraq iştirakçılara sertifikatlar təqdim ediləcək.
Xəbərdən istifadə edərkən istinad etmək vacibdir.
