Payız mövsümündə müşahidə edilən nisbətən mülayim hava şəraiti bu gündən dəyişməlidir. Sinoptiklərin proqnozu yağıntılı və soyuq hava şəraitinin davam edəcəyindən xəbər verir. Amma xatırlayırsınızsa, bir qədər əvvəl hava çox soyuq keçdi, hətta hər kəs gileyləndi, şikayət etdi ki, niyə şəhərdə istilik sistemini qoşmurlar?! Qarşıdan isə qış gəlir. Ötənilki qışı isə hər birimiz xatırlayırıq.

Bəs, görəsən, Sumqayıt şəhər İstilik İdarəsi qışa nə qədər hazırdır? Nə zaman isilik sistemlərinin verilmə qrafikində dəyişiklik ola bilər?
"Azəristiliktəchizat”ASC Sumqayıt şəhər idarəsinin rəisi Aftandil Nuriyev Xeberle.com-a açıqlamasında bildirib ki, isilik sisteminin qrafikində dəyişiklik etməyə ixtiyarımız yoxdur. Yalnız 4 dərəcə şaxta müşahidə edilərsə, Nazirlər kabineti və Sumqayıt şəhər İcra Hakimiyyətinin göstərişindən sonra qrafikdə dəyişiklik edilməsi mümkün ola bilər.

İdarə rəisi məlumat verdi ki, Sumqayıt şəhər istilik idarəsi qışa demək olar ki , tam hazır vəziyyətdədir.

Şəhərdə istismarda olan istilik qazanxanaları noyabrın 1- dən, artıq işlək vəziyyətinə gətirilib. Noyabr ayının 15-dən, səhər saatlarından etibarən yaşayış evləri və müəssisiələrə istiliyin verilməsinə başlanılıb.

Aytən Əli
Xeberle.com