“Xeberle.com” Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Sumqayıt şəhərində giriş qapısının kilidində yaranmış nasazlıq səbəbindən 1943-cü il təvəllüdlü qadın mənzildə köməksiz vəziyyətdə qalıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsi ilə beşmərtəbəli yaşayış binasının 5-ci mərtəbəsində yerləşən mənzilə qonşu mənzilin eyvanından keçərək pəncərədən daxil olublar. Zərərçəkmişin tibbi yardıma ehtiyacı olmayıb. Əməliyyat saat 14:35-də başa çatıb.