Xeberle.comxəbər verir ki, layihə çərçivəsində mərkəzə 30 ahıl qadın və kişi cəlb olunub. Onların cəmiyyətə inteqrasiya olunmaları üçün müxtəlif fəaliyyətlər həyata keçirilib. Belə ki, ahılların psixoloji durumu qiymətləndirilir onlara gündəlik inkişaf xidmətləri göstərilib, psixoloji dəstək və məsləhətlər verilib.

Layihəyə cəlb olunmuş pedaqoq tərəfindən ahıllarla maarifləndirmə işi təşkil edilib, mərkəzə cəlb edilən ahılların vaxtının səmərəli təşkili məqsədi ilə müxtəlif tədbirlər müzakirə edilib. Ayda iki dəfə onlar üçün ekskursiyalar təşkil olunub. Mərkəz ahıl yaşda olan insanların bir yerə toplanması, ünsiyyət qurması, müxtəlif mövzularda müzakirələr aparması, şəxsi təcrübələri ilə bölüşməsi, asudə vaxtlarını daha səmərəli keçirmələri üçün əvəzolunmaz bir məkandır.

Qeyd edək ki, layihə 2019-cu ilin avqust ayında başlayıb dekabr ayının sonunda bitib. Buna baxmayaraq, təşkilatın daxili imkanları hesabına mərkəz fəaliyyətini davam etdirir.