Xeberle.comxəbər verir ki, layihə çərçivəsində mərkəzə 30 ahıl qadın və kişi cəlb olunacaq. Onların cəmiyyətə inteqrasiya olunmaları üçün müxtəlif fəaliyyətlər həyata keçiriləcək. Belə ki, ahılların psixoloji durumu qiymətləndiriləcək, onlara gündəlik inkişaf xidmətləri göstəriləcək, psixoloji dəstək və məsləhətlər veriləcək.

Layihəyə cəlb olunmuş pedaqoq tərəfindən ahıllarla maarifləndirmə işi təşkil ediləcək, mərkəzə cəlb edilən ahılların vaxtının səmərəli təşkili məqsədi ilə müxtəlif tədbirlər müzakirə ediləcək. Ayda iki dəfə onlar üçün ekskursiyalar təşkil olunacaq. Mərkəz ahıl yaşda olan insanların bir yerə toplanması, ünsiyyət qurması, müxtəlif mövzularda müzakirələr aparması, şəxsi təcrübələri ilə bölüşməsi, asudə vaxtlarını daha səmərəli keçirmələri üçün əvəzolunmaz bir məkandır.

Layihənin icrasına 31 dekabr 2019-cu ildə yekun vurulacaq.