Layihənin həyata keçirilməsində əsas məqsəd 18 yaşa qədər sağlamlıq imkanları məhdud uşaqlara icma əsaslı reabilitasiya xidmətlərinin göstərilməsi, ailələri səlahiyyətləndirmək və onların bilik və bacarıqlarını inkişaf etdirmək, azı 50 nəfər sağlamlıq imkanları məhdud uşağa reabilitasiya xidmətlərinin göstərilməsi və 150-dək valideynin İƏR haqqında məlumatlandırmaqdır.

Layihə çərçivəsində 18 yaşa qədər sağlamlıq imkanları məhdud sosial-psixoloji reabilitasiya, abilitasiya, ailəyə dəstək və ailənin maarifləndirilməsi xidmətləri göstərilib. Xidmət ümumi olaraq uşaqların ehtiyacı əsasında sosial iş, gündəlik həyat (funksional) vərdişləri (abilitasiya), sosial-psixoloji dəstək, sosiallaşma və ünsiyyət, koqnitiv bacarıqlar və təhsil, nitq problemləri və hərəkət problemləri (fiziki inkişaf) sahələrini əhatə edib.

Layihə bitməsinə baxmayaraq fəaliyyəti təşkilatın daxili imkanları hesabına davam etdirilir.