Mərkəzi icra hakimiyyəti orqanlarının, digər qurumların
rəhbərlərinin və onların müavinlərinin şəhər və rayonlarda 2020-ci ilin
yanvar ayında vətəndaşları qəbul cədvəlinə uyğun olaraq bu gün
Nəqliyyat, Rabitə və Yüksək Texnologiyalar naziri Ramin Quluzadə
Sumqayıtda, nazirin birinci müavini Əli Abdullayev Xırdalanda
vətəndaşlarla görüşüb.
Nazir Sumqayıt və Xızı, nazirin birinci müavini isə Abşeron sakinlərini qəbul edib.
Vətəndaşlar tərəfindən əsasən nəqliyyat, telekommunikasiya,
informasiya texnologiyaları və poçt rabitəsi ilə bağlı müraciətlər
səsləndirilib.
Müraciətlərin bir qismi yerindəcə həll olunub, digərləri
araşdırılması üçün nəzarətə götürülüb. Araşdırılması tələb olunan
müraciətlərin mövcud qanunvericiliyin tələblərinə uyğun və operativ
həlli ilə əlaqədar nazirliyin müvafiq qurumlarının rəhbərlərinə
tapşırıqlar verilib.
Nəqliyyat, Rabitə və Yüksək Texnologiyalar Nazirliyinin
səlahiyyətlərinə aid olmayan məsələlərlə bağlı isə vətəndaşlara müvafiq
izahatlar verilib, onlara həmin müraciətlərin aidiyyəti strukturlara
göndəriləcəyi bildirilib.
Xəbərdən istifadə edərkən istinad etmək vacibdir.
