Jurnalist Natiq Cavadlı Qaynar.info-ya açıqlamasında işdən çıxarılması faktını təsdiqləyib və qeyd edib ki, işdən çıxarılması ilə bağlı heç bir ərizə yazmayıb.

"Bizim Yol" qəzetinin əməkdaşı tanınmış jurnalist Natiq Cavadlının işdən çıxarılması xəbəri yayılıb. Qaynar.info xəbər verir ki, bu barədə məlumat sosial şəbəkələrdə yayılıb. 

Yayılan məlumatlara görə, Natiq Cavadlının işdən çıxmasına səbəb iqtisadçı ekspert Qubad İbadoğludan götürdüyü müsahibə olub. Belə ki, Qubad İbadoğlu müsahibədə Dövlət Gömrük Komitəsi ilə bağlı ilginc faktlar açıqlamışdı. Bu müsahibə dərc olunandan sonra qəzetin rəhbərliyinə təzyiq edilib. Qəzetin rəhbərliyi də Natiq Cavadlını işdən çıxartmaqla yaranmış vəziyyətdən çıxmaq istəyib. 

Xəbərlərin yayılmasından bir neçə saata qədər vaxt keçməsinə baxmayaraq nə Natiq Cavadlının özü, nə də qəzetin baş redaktoru Bahəddin Həziyev duruma aydınlıq gətirməyib.