AKSİYA !!! " Bir kitab bağışla – bir savadlı gənc yetişsin ! "
Əziz Dostlar, 

ARDNŞ-nin “Azərikimya” İstehsalat Birliyində Sumqayıt şəhər Mərkəzləşdirilmiş Kitabxanalar Sisteminin müraciətini nəzərə alaraq “Bir kitab bağışla – bir savadlı gənc yetişsin” adlı aksiyaya start verilib.
Aksiyada məqsəd kitabxanalardan əldə edilməsi mümkün olmayan, ancaq bu gün yüzlərlə məktəbliyə, ali məktəbə hazırlaşan məzuna, hər hansı mövzu ilə bağlı çətinlik çəkən tələbəyə, elmi iş üzərində işləyən dissertanta hava və su kimi lazım olan və elmin müxtəlif sahələrini əhatə edən bir sıra kitabları satış mərkəzlərindən alaraq Mərkəzləşdirilmiş Kitabxanalar Sisteminin vasitəsilə səbirsizliklə gözləyən oxuculara çatdırmaqdır. 
Bununla həm müasir elmi-metodiki kitablar sarıdan əziyyət çəkən kitabxanalarımızın kitab fondu zənginləşər, həm də gənclərimizin sabahın elmli və bilikli vətəndaşları kimi formalaşmasına cüzi şəkildə olsa belə, bizim də töhfəmiz olar. 
Bu xoşməramlı təşəbbüsdə bizlərə qoşulmaq istəyən bütün dostlarımıza oncədən dərin təşəkkürümüzü bildirir və marağınız olduğu təqdirdə aşağıdakı telefonlarla bizimlə əlaqə saxlamağınızı xahiş edirik.

Əlaqə telefonları: 050 305 55 50; 050 635 74 63, 
655-05-95 (dax 31-075)