Bu gün xalqımız Novruzun çərşənbələrindən sonuncusu - İlaxır çərşənbəni qeyd edir. Novruz ərəfəsində sonuncu çərşənbədə yer oyanır, torpaq nəfəs alır. Bu çərşənbə xalq arasında Torpaq çərşənbəsi də adlanır.
Novruz ümumxalq bayramı kimi uzun əsrlərdən bəri yurdumuzun hər bir guşəsində qeyd olunur.
Xeberle.com xəbər verir ki, bayram münasibətilə martın 16-da Qubadlı rayon İcra Hakimiyyətinin təşkilatçılığı ilə hər il olduğu kimi imkansız və aztəminatlı ailələrə, şəhid ailələrinə, Qarabağ və Çernobıl əlillərinə ümumilikdə 500 ailə olmaqla ərzaq bağlaması paylanıb:
"Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyeva həmişə məcburi köçkünlərə diqqət və qayğı ilə yanaşıb, bu da hər zaman məcburi köçkünlərin hədsiz sevincinə səbəb olub.
Biz məcburi köçkünlər inanırıq ki, möhtərəm Prezidentimizin apardığı siyasət nəticəsində torpaqlarımız işğaldan azad ediləcək və belə çərşənbə tonqalları hər kəsin öz yurdunda, öz həyətində alovlanacaq".
Xəbərdən istifadə edərkən istinad etmək vacibdir.
