İnsanlar koronavirus infeksiyası riskinə fərqli reaksiya verir. Bəziləri vahiməyə qapılır, digərləri daha sakit şəkildə lazımi tədbirlər görür. Ancaq bu suallar hər kəsi narahat edir: Spirt koronavirusa kömək edirmi? Alkoqollu içkilər bir çoxlarının ümid etdiyi kimi infeksiya riskini azaldırmı?
Məlum olub ki, cavab təəssüf ki, mənfidir. Moskva Səhiyyə Nazirliyinin baş narkoloqu Yevgeni Bryunun sözlərinə görə, özünütəcrid günlərində rahatlaşmaq və ruhunuzu alkoqol ilə əyləndirmək qərarına gəlmisinizsə, bu, alkoqoldan asılılıq riskini artırır:
"Koronavirus infeksiyasına yoluxan insanın spirtli içki içməsi əks göstərişə səbəb olar, çünki bu xəstəliyin ağırlaşmasına gətirib çıxaracaq. Xəstə evdə müalicə olunursa, o zaman həkim onun üçün dərmanlar təyin edir və alkoqolun onların təsirini dəyişdirdiyini xatırlamaq lazımdır. Əgər bədəndə etil spirti varsa, preparatlar lazım olduğu təsiri göstərmir. Alkoqolun bir hissəsinin bədənimizdən ağciyərlər vasitəsilə çıxarıldığını nəzərə alsaq, bu onlara əlavə zərbə vuracaq. Dünyada yayılan infeksiya ağciyərlərə təsir etdiyindən, alkoqolun koronavirusa müdaxilə edilə bilmədiyi açıq-aydın görünür”.
Baş narkoloq koronavirus zamanı alkoqolun effektivliyinə dair hekayələrin yalan olduğunu bildirib. Onun sözlərinə görə, hər hansı spirtli içki bədənə zəhərli təsir göstərir, nəticədə xəstəlik daha da şiddətlənir və sağalma prosesi yavaşlayır.
Yakutiya Narkoloji Dispanserinin mütəxəssisləri də hazırkı epidemioloji vəziyyətdə alkoqoldan tamamilə imtinanın ən optimal variant olacağını söyləyib, əks halda orqanizmdə infeksiya riski daha yüksək olacaq. Bundan əlavə, spirtli içki içmək onkoloji, insult və digər xəstəliklərə səbəb ola bilər.
Fevralın 13-də isə Ümumdünya Səhiyyə Təşkilatı alkoqolun koronavirus infeksiyası riskini azaltmağa kömək edə bilmədiyini elan edib. Üstəlik, alkoqoldan sui-istifadə daha çox spirt zəhərlənməsinə səbəb olur. ÜST nümayəndəsi Tarik Yazareviç qeyd edib ki, özünü yeni tip virusdan qorumağın ən təsirli yolu gigiyena qaydalarına riayət etməkdir. Bundan əlavə, qurum rəsmisi bu infeksiyanın bədənə təsirinin tam aydınlaşdırılmadığını qeyd edib.
Rusiyalı həkim Elena Andreevna da hesab edir ki, indiyə qədər alimlər, həkimlər COVID-19-un müalicəsi və qarşısının alınması barədə səhih məlumatlar əldə etməyib:
"Ancaq bu anda müalicədə müəyyən müsbət təsir antiretroviral dərmanları və interferon qrup preparatlarını qəbul etməklə əldə edilir, etanol tərkibli substratların, o cümlədən spirtin eyni vaxtda istifadəsi əks göstərişlidir.
Alkoqolun profilaktik məqsədlə qəbuluna gəldikdə, antiviral təsir göstərmir, əksinə immun sistemini və bədənin müqavimətini zəiflədir”.
Xəbərdən istifadə edərkən istinad etmək vacibdir.
