3 dekabr Ümumdünya Əlillər günü münasibətilə "Azərikimya” İstehsalat Birliyinin bir qrup əməkdaşı başda Müşahidə Şurasının sədri, Milli Məclisin deputatı Muxtar Babayev olmaqla Sumqayıtda fəaliyyət göstərən əlillər cəmiyyətlərinin – respublika Gözdən Əlillər Cəmiyyətinin Sumqayıt şəhər şöbəsinin, Əlil Qadınlar Cəmiyyəti Sumqayıt şəhər təşkilatının, Əlillərin Beynəlxalq Əməkdaşlığı Uğrunda Cəmiyyətin və "Qarabağ Müharibəsi Əlilləri” Cəmiyyətinin üzvləri ilə görüşmüşdür.Görüş zamanı M.Babayev son illərdə respublikamızda həyata keşirilən irimiqyaslı layihələrdən, həmçinin şəhərdə aparılan abadlıq-quruculuq işlərindən danışmış, cəmiyyət üzvlərinin yaşayış tərzi, ailə-məişət qayğıları ilə maraqlanmış, istək və arzularını dinləmişdir.

"Azərikimya” İB-nin Müşahidə Şurasının sədri, Milli Məclisin deputatı Muxtar Babayevlə görüşdən məmnun qaldıqlarını ifadə edən cəmiyyət üzvləri onlara göstərilən diqqət və qayğıya görə respublika rəhbərliyinə minnətdarlıqlarını ifadə etmişlər.

Görüşün sonunda cəmiyyət üzvlərinə "Azərikimya” İB tərəfindən hədiyyə sovqatları təqdim olunmuşdur.

Daha sonra Kimyaçılar Qartal Tikinti Firmasında təşkil olunmuş və başlanğıcını "Azərikimya" İB dən götürmüş "Mərhəmətli olmağa tələsin" devizi altında keçən xeyriyyə aksiyasına qatılmış, Qızıl Aypara Cəmiyyətinin könüllüləri ilə birlikdə əlillərinə isti geyimlərin paylanmasında iştirak etmişlər