"Son
zamanlar tikinti bumunun yaşanması və iqtisadi inkişaf müəyyən bir yaşayış massivlərinin meydana
gəlməsinə gətirib çıxarıb. Bu massivlərdən də biri Sumqayıt şəhəri və Xızı
rayonları arasında yerləşən "Yaşma bağları" massividir. Burada olan insanlara sovet zamanı müxtəlif müəssisələrdə çalışan zaman yer ayrılıb və onlar
orada məskunlaşıb”
Xeberle.com xəbər verir ki, bunu Milli Məclisin deputatı Müşfiq Məmmədli
parlamentin bu gün keçirilən plenar iclasında çıxış edərkən deyib. Deputat
çıxışında bildirib ki, həmin massivdə hazırda 3500-ə qədər ev və 10 min əhali
yaşayır. M. Məmmədli yaşayış massivinin
statusunun müəyyən olunması və infrastruktur probleminin həll olunmasının
vacibliyini vurğulayıb:
"Massivə
müəyyən bir statusun verilməsi və infrastruktur probleminin həll olunmasına
böyük ehtiyac var. Bu çatışmazlıqların aradan qalıdırılması ərazinin problemlərinin həllinə gətirib çıxaracaq”.
Qeyd
edək ki, "Yaşma bağları” ərazisində yaşayan yüzlərlə ailənin su, yol və
qeydiyyat problemi var.
Xədicə Səxavətqızı
Xəbərdən istifadə edərkən istinad etmək vacibdir.
