Sumqayıt Lift Servis Birliyindən Xeberle.com-a verilən məlumata görə, şəhər ərazisində 50 liftin dəyişdirilməsinə ehtiyac var: "Sumqayıt şəhər dövlət mənzil fondunda 594 lift var. Dəyişdirilməyə ehtiyac olan liftlər şəhərin 9, 10, 12- ci mikrorayonlarındadır. Ayrılan 4 milyon vəsaitlə həmin ərazilərin liftləri yeniləriylə əvəz olunacaq. 2018- ci ildən şəhər ərazisindəki liftlər mərkəzləşdirilmiş dispeçer vasitəsi ilə idarə olunur. Qeyd etdiyimiz ərazilərin də liftləri dəyişdirildikdən sonra şəhər tam olaraq onlayn idarə etmə sisteminə keçəcək"

Xatırladaq ki, Sumqayıt Şəhər İcra Hakimiyyəti çoxmərtəbəli binalarda liftlərin dəyişdirilməsi və təmiri ilə bağlı elan etdiyi açıq tenderə yekun vurub.

Vahid dövlət satınalmaları portalına istinadən xəbər verir ki, tenderin qalibi "Bakı Otis Lift" QSC-dir.

Qalib şirkətə 4 milyonmanat ödəniləcək.

Xədicə Səxavətqızı

Xeberle.com