ABŞ-ın nüvə sazişindən geri addım atmasına hazırıq və düşmənlərin gözlədiyi, hətta gözləmədiyi hər şey üçün strategiyamız var və bunları sürətlə tətbiq edəcəyik.
Bu sözləri İran prezidenti Həsən Ruhani deyib. Dolların kursunu ABŞ-ın planlarını boşa çıxarmaq üçün sabit saxladıqlarını bildirən Ruhani bunun iranlılar üçün uyğun bir qərar olduğunu vurğulayıb:
"ABŞ 12 mayda iranlılara qarşı addımlar ataraq daxili bazara təzyiq edə biləcəklərini ümid edirdilər. Bu qərar ABŞ-ın verəcəyi qərara qarşı bir sillədir”.
Sonda isə xalqın kifayət qədər məlumata sahib olmadığını və gələcəyə dair plan qura bilmədikləri zaman hirslənib küçələrə çıxdığını söyləyən Ruhani bəzi dövlət rəsmilərini sərt tənqid edib:
"Rəsmilərimiz sanki səssizlik andı içiblər. Onlara kimin nə söylədiyini bilmirəm. Niyə qorxduqlarını da bilmirəm. Təhdidləri vecinizə almayın. Əgər təhdidlərə cavab verməkdən qorxursunuzsa, mənə göndərin, mən cavab verərəm”.(Axar.az)

Xəbərdən istifadə edərkən istinad etmək vacibdir.