Xəbər verdiyimiz kimi, dünən Sumqayıtda "Təhlükəsizlik aylığı” çərçivəsində piyadalara qarşı reyd keçirilib. Müvafiq yerlərdə keçidlərdən istifadə etməyən 30-a yaxın piyada inzibati məsuliyyətə cəlb olunub. Onlara qarşı müvafiq protokol tərtib edilib və 20 manat məbləğində cərimələniblər. Bu hadisə social şəbəkələrdə əks-səda yaradıb və Sumqayıt sakinləri belə reydlərin sürücülərə - əsasən keçidlərdə piyadalara yol verməyən sürücülərə qarşı keçirilməsini təklif ediblər. Sumqayın facebook social şəbəkəsində ən böyük səhifəsi olan Sumqayıt Rəsmi Səhifəsində bu barədə "Zebradan piyadalara keçməyə icazə verməyən sürücülərə qarşı Sumqayıtda hansı yollarda reyd təşkil olunsa, yaxşı olardı?” sualı ilə sorğu qoyulub. Sakinlərin bütün cavabları ümumiləşdirilib və aşağıdakı yerlər müəyyən olunub.

1. Mərkəzi bazar, 4 yol ayrıcı.
2. 17-ci mkr, Şahanə restoranın qarşısı tərəf.
3. Koroğlu prospekti, 8-ci mkr.-dan 42-ci məhəlləyə keçən yol.
4. Nəriman Nərimanov küçəsi, Bank Respublika ilə ondördmərtəbənin arası.
5. Heydər Əliyev prospekti, 3-cü polis bölməsi, Fəxri marketin qarşısı.
6. Koroğlu prospekti və Üzeyir Həcıbəyov küçəsinin kəsişməsi.
7. Sülh küçəsi boyunca.
8. 1 saylı şəhər xəstəxanasının qabağı.
9. Babək küçəsi, 10 və 13-cü mkr-ların arası, Hiper market və Qayalı marketlərin qarşısı.
10. Səməd Vurğun küçəsi, Beynəlxalq Bankın qarşısı.
11. Avtovağzalla ASAN xidmətin arasındakı dairədə
12. 3-cü mkr., Ən ucuz marketin qabağı.

Sorğu zamanı bəzi sakinlər zebraların rənginin getməsindən də gileyləndi. Bir çoxları isə piyada keçidlərinin yanında müşahidə kameralarının olmasının vacibliyini qeyd etdilər.
Bax belə, biz hazırlayıb işıqlandırdıq. Ümidvarıq ki, Sumqayıt Dövlət Yol Polisi İdarəsi də şəhər sakinlərinin müvafiq müraciətinə biganə qalmayaraq mütəmadi saqdalanan yollarda bu reydləri təşkil edəcəklər.
Elnur Ağayev
Xeberle.com

Xəbərdən istifadə edərkən istinad etmək vacibdir.