Bu ilin noyabr ayı ərzində Azərbaycanda əhali arasında 50 qida zəhərlənməsi hadisəsi baş verib.
Səhiyyə Nazirliyinin Gigiyena və Epidemiologiya Mərkəzinin şöbə müdiri İmran Abdullayev açıqlamasında bildirib ki, ümumilikdə 54 nəfər zərər çəkib, ölən olmayıb.
Ötən ay 6 botulizm hadisəsi qeydə alınıb, nəticədə 10 nəfər zərər çəkib. Botulizm hadisələrinin hamısı məişətdə baş verib.
Bu ilin 11 ayı ərzində isə Azərbaycanda əhali arasında 1114 qida zəhərlənməsi hadisəsi baş verib. Nəticədə 1242 nəfər zərər çəkərək qidadan zəhərlənib. Ötən 11 ay ərzində 21 botulizm hadisəsi qeydə alınıb ki, bunun nəticəsində 37 nəfər zərər çəkib. Botulizm nəticəsində 1 nəfər dünyasını dəyişib. Botulizm hadisələrinin hər biri ev şəraitində hazırlanan turşulardan olub. (apa.az)
Xəbərdən istifadə edərkən istinad etmək vacibdir.
