"Təhsil sistemi ilə istehsal müəssisələri arasında əlaqə qurulmalıdır”.

Bu gün Azərbaycanda paytaxt və bölgələrdə sürətli tikinti və abadlıq işləri aparılır. Lakin bu sahədə kifayət qədər ixtisaslı mütəxəssis yoxdur. 

Bu sözləri Vətəndaşların Əmək Hüquqlarının Müdafiəsi Liqasının rəhbəri Sahib Məmmədov deyib.

Onun sözlərinə görə, indi ölkədə müasir tipli binalar inşa edilir. Amma onların müasir işıqlandırma sistemlərinin quraşdırılmasına ixtisaslı mütəxəssis çatışmır. Bu cür çatışmazlıq avtomobillərə texniki xidmət sahəsində də özünü büruzə verir.

Ekspertlər problemin uğurlu həlli üçün peşə təhsili müəssisələrinin müasir tələblərə uyğunlaşdırılmasına ehtiyac görürlər. Hesab olunur ki, təhsil sistemi ilə istehsal müəssisələri arasında əlaqələrin qurulması müxtəlif sahələr üzrə yaranan kadr çatışmazlığı problemini vaxtında aradan qaldıra bilər. Ali təhsil müəssisələri yanında ixtisaslı kadr hazırlayan kolleclərinin yaradılması da məqsədəuyğun sayılır. (oxu.az)