Sumqayıt şəhəri ərazisində iyunun 21-dən iyunun 28-dək olan müddətdə xüsusi karantin rejiminin pozulması üzrə 591 fakt aşkarlanıb və qanunvericiliyə uyğun olaraq protokol tərtiib olunub.
Bu barədə Xeberle.com-a Sumqayıt şəhər Polis İdarəsinin İctimai təhlükəsizlik şöbəsinin rəisi, polis polkovnik -leytenantı Nizami Paşayev məlumat verilb. N. Paşayev qeyd edib ki, tərtib olunan protokolların 320-si ciddi karantin qaydalarına riayət etməyənlərə, 271-i isə ictimai yerlərdə maskadan istifadə olunmadığına görə tərtib olunub. Karantin qaydalarının tələblərinə riayət etməyən 4 nəfər isə məhkəmə qarşısına çıxarılaraq inzibati qaydada həbs olunub.
Qeyd edək ki, yeni növ koronavirus (COVID-19) infeksiyasının yayılma sürətinin azaldılması, habelə onun törədə biləcəyi fəsadların minimuma endirilməsi məqsədilə xüsusi karantin rejiminin sərtləşdirilməsini təmin etmək üçün Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində 2020-ci il 21 iyun saat 00:00-dan 5 iyul saat 06:00-dək ciddiləşdirilmiş karantin rejimi tətbiq edilib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
