Xəbər verdiyimiz kimi, portalımıza daxil olan məlumata görə, Sumqayıt şəhər qəbiristanlığı yollarının təmir edilməsi üçün şəhər bələdiyyəsinə müvafiq məbləğdə vəsait ayrılıb. Amma yolların təmiri ilə bağlı təşkilat tərəfindən heç bir addım atılmayıb.

Bu məlumatla bağlı Sumqayıt şəhər Bələdiyyənin şöbə müdiri Gülrəng Cümşüdovaya müraciət etmişdik. Şöbə müdiri məsələdən xəbərsiz olduğunu, araşdırdıqdan sonar bizimlə əlaqə saxlayacağını demişdi. İki saatdan sonra şəhər bələdiyyəsinin sədr müavini Soltan Əsədov bizimlə əlaqə saxladı. O, Xeberle.com-a bildirdi ki, hazırda bələdiyyənin bir neçə əməkdaşı ilə birlikdə qəbiristanlığın yollarına baxmağa gedəcəklər. Hətta təklif etdi ki, vaxtınız varsa, bizimlə gəlin, yolları bizə siz göstərin.

Bir saatdan sonra isə Soltan Əsədov yenidən bizə zəng etdi. Dedi ki, yollara baxış keçirdik. Hazırda əsaslı təmir üçün imkanımız yoxdur. Yolların asfaltla döşənməsi yalnız yayda mümkün ola bilər. Yağış kəsdikdən sonra çala-çuxurların içinə müvəqqəti olaraq çınqıl tökə bilərik.
S.Əsədov söz verdi ki, bu həftə ərzində mütləq qəbiristanlıq yollarını qismən də olsa, düzəldəcəklər. Bəli, Bələdiyyə sədrinin müavini də bizə vəd verdi. Vədinə əməl edib-etməyəcəyini isə gələn həftə biləcəyik.

Xeberle.com