Artıq 3 həftədir ki, ev şəraitində COVID-19 virusuna yoluxmuş şəxslərin müalicəsi aparılır. Koronavirusa yoluxmuş 12 min 862 nəfər ev şəraitində ambulator müşahidə altındadır.
Xeberle.com xəbər verir ki, bunu Nazirlər Kabineti yanında Operativ Qərargahın brifinqində Səhiyyə Nazirliyinin aparat rəhbəri Nadir Zeynalov deyib.
Onun sözlərinə görə, bunlardan 8 mindən artığı COVID-19 laborator müayinəsi mənfi olanlar və xəstəxanadan sağalıb çıxmış şəxs, yoluxan şəxslə təmasda olan və əlamətləri şübhəli olanlardır.
"Digərləri əlamətləri olmayan və yüngül olan vətəndaşlardır. Onlar Bakı şəhəri üzrə ev şəraitində nəzarətdədir. Dünən 557, bu gün 255 nəfər sağalıb poliklinika nəzarətindən çıxıb. Hər gün 400-500 arası poliklinikalara müraciət olur. Evdə müayinə zamanı 6 minə yaxın yaxma götürülüb".
Xəbərdən istifadə edərkən istinad etmək vacibdir.
