"Pakistan Türkiyə qədər Azərbaycanın da strateji müttəfiqidir, bizə görə Ermənistanla diplomatik münasibət qurmayıb, bu ölkəni işğalçı sayır”.
Bu açıqlama ilə politoloq Elxan Şahinoğlu öz Feysbuk səhifəsində çıxış edib. 
O, Azərbaycanın Türkiyə nümunəsindən istifadə etməli olduğunu bildirib:
"Bu gün Pakistanda ağır faciə baş verdi, Talibanın məktəbə hücumu nəticəsində 150 şagird və müəllim qətlə yetirildi. Pakistanda 3 günlük yas mərasimi elan edilib. Müttəfiqi Türkiyə də qardaşlarının ağır günündə Pakistanın yanındadır və sabah 1 günlük matəm elan edib. Bəs Azərbaycan? Pakistan Türkiyə qədər Azərbaycanın da strateji müttəfiqidir, bizə görə Ermənistanla diplomatik münasibət qurmayıb, bu ölkəni işğalçı sayır. Türkiyə nümunəsindən istifadə etmək lazımdır”.
Xatırladaq ki, Pakistanda yaşanan məktəb faciəsinə görə Türkiyə birgünlük matəm elan edib. Pakistan isə bu il mayın 13-də Türkiyənin Manisa əyalətinin Soma rayonundakı kömür mədənində baş vermiş və 301 nəfərin ölümü ilə nəticələnən faciə ilə bağlı rəsmən iki günlük matəm keçirmişdi. (baymedia.az)