Baş Nazir Əli Əsədov "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkili barədə” Nazirlər Kabinetinin 2020-ci il 29 avqust tarixli qərarında dəyişiklik edib.
Xeberle.com xəbər verir ki, dəyişikliyə əsasən, Bakı, Sumqayıt şəhərləri və Abşeronrayonunda fəaliyyət göstərən məktəbəqədər təhsil müəssisələrində təhsil oktyabrın 1-dən başlayacaq.
Qərara əlavə olunan yeni bəndə əsasən, ölkənin digər şəhər və rayonlarında fəaliyyət göstərən məktəbəqədər təhsil müəssisələrində tədris sentyabrın 15-dən başlayacaq.
Qeyd edək ki, qərar 2020-ci il noyabrın 2-dək qüvvədədir.
Xəbərdən istifadə edərkən istinad etmək vacibdir.