Azərbaycan Respublikasının əmək və əhalinin sosial müdafiəsi nazirinin müavini təyin edilmiş Mətin İmdad oğlu Kərimli Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimlovun qardaşıdır.
Lent.az-ın məlumatına görə, İnam Kərimovdan 2 yaş kiçik olan 35 yaşlı Mətin Kərimli, həm də Azərbaycanda ən cavan nazir müavinlərindən biridir.
Qeyd edək ki, Prezidentin “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnaməyə dəyişiklik edilməsi barədə” sərəncamına əsasən əmək və əhalinin sosial müdafiəsi nazirinin müavinlərinin sayı iki nəfər artırılmaqla 4 nəfər müəyyən olunub.
Bununla bağlı olaraq prezidentin sərəncamı ilə İdris Balakişi oğlu İsayev və Mətin İmdad oğlu Kərimli əmək və əhalinin sosial müdafiəsi nazirinin müavinləri təyin ediliblər.
Xəbərdən istifadə edərkən istinad etmək vacibdir.
