Hər bir ölkənin mədəniyyəti həm də onun yollarının abadlığı və təmizliyi ilə müəyyən edilir. Yol həm də insanı aydınlığa çıxarır. Geniş tikinti meydanını xatırladan Azərbaycanda da yol çəklişi ilə əlaqədar olaraq bir çox iri layihələr həyata keçirilir. Çəklişinə 2012-ci ilin may ayında start verilən Bilgəh- Novxanı-Sumqayıt magistral yolunda da irimiqyaslı tikinti işləri davam etdirilir.

Layihəni həyata keçirən "Azvirt MMC”- nin 6 saylı Yol Təmir idarəsinin Geodeziya şöbəsinin müdiri Sahib Məmmədovdan əldə etdiyimiz məlumata görə, ümumi uzunluğu 42 kilometr olan yolun 16 km-i artıq istifadəyə verilib. Bilgəh -Nardaran- Kürdaxanı yolunun açılışı dövlət səviyyəsində həyata keçirilib. Yerdə qalan 26 km yolun 11 km-də qazma -tökmə və asvaltlama işləri görülüb. Hazırda yolun digər hissəsinin çəkiliş və layihələndirmə işləri davam etdirilir. Dövlət hesabına çəkilən yolda 12 ədəd körpünün tikilməsi nəzərdə tutulur. İdarə rəsmisinin sözlərinə görə, körpülərdən 2- si artıq istifadəyə verilib. 2 körpünün layihələndirmə işləri görülür. Digər 8 körpünün isə yaxın vaxtlarda istifadəyə verilməsi üçün son tamamlama işləri aparılır.

Sahib Məmmədovun sözlərinə görə, 6 zolaqdan ibarət olan yolun qalınlığı 79 sm təşkil edir. Yolda həmçinin 4 yeraltı və 6 yerüstü keçid istifadəyə verilməsi planlaşdırılır. 1-ci kateqoriyalı yolun gələcək perspektivlərindən danışan idarə rəsmisi bildirdi ki, yol tam istifadəyə verildikdən sonra Bakı kəndlərindən Bakı-Quba və Bakı Şamaxı istiqamətinə birbaşa çıxış təmin olunacaq. Bu istiqamətə hərəkət edən avtomobillər əvvəlki kimi şəhərə girmədən regionlara çıxa biləcəklər. Beləliklə də Bakı-Sumqayıt yolunda mövcud olan tıxacın qarşısını almaq mümkünləşəcək. Qeyd edək ki, yol çəklişinin 2016-cı ilin mart ayına qədər yekunlaşdırılması nəzərdə tutulub. (AzadXeber.az)

?wmode=transparent" wmode="Opaque" frameborder="0" allowfullscreen>