"Bu, əsasən, pul nominantları aparat tərəfindən qəbul edilməyəndə baş verir”. 

Bu sözləri Bakı Metropoliteni QSC-nin ictimaiyyətlə əlaqələr şöbəsinin rəisi Nəsimi Paşayev stansiyaların yükləmə aparatlarında yaranan nasazlıq barədə danışarkən dedi. Qurum rəsmisinin sözlərinə görə, nasazlıqların baş verməsinə səbəb köhnə əsginaslardır:

"Yükləmə aparatlarından narazılıq olur. Bu əsasən pul nominantları aparat tərəfindən qəbul edilməyəndə baş verir. Aparılan araşdırmalar zamanı məlum olur ki, əskinaslar bəzən yararsız olur. Buna görə də aparata tanıtdırılan əsginaslarla xarab əskinaslar arasında fərqin yaranmasından belə hallar baş verir”.

Belə halların metro işçiləri tərəfindən dərhal aradan qaldırıldığını deyən N.Paşayev stansiyalara yeni aparatların gətirilməsi ilə bağlı müzakirələrin getdiyini bildirdi:

"Təbii ki, bəzi hallarda aparatlarda texniki problmlər baş verir. Bu zaman mütəxəssislər həmin aparatı təmir edirlər. O ki qaldı yeni aparatların alınmasına, bütün bunlar hal-hazırda müzakirə edilir”.

N.Paşayev yaxın vaxtlarda nəqliyyatda vahid kart sisteminin tətbiqi ilə sadalanan problemlərin birdəfəlik həll olunacağını bildirdi: 

"Məlum olduğu kimi, yaxın vaxtlarda ictimai nəqliyyatda vahid kart sisteminə keçid planlaşdırılır. Bu işlər yekunlaşdıqdan sonra bu məsələlər də öz həllini tapacaq. Yəni sərnişinlər kartlarına pulu sadəcə metro stansiyalarında yükləmək məcburiyyətində qalmayacaqlar”.  (axar.az)