"Vəsiyyət etmişəm ki, öləndə molla olmasın. Məndən inciməsinlər, amma son zamanlar görürəm ki, mollalar məclislərdə şou yaradırlar".

 Bu sözləri "Gecce.az" saytına müsahibəsində müğənni Nadir Qafarzadə bildirib.

Sumqayıt şəhər Cümə məscidinin axundu Hacı Rauf Sərdarov isə müğənninin vəsiyyətilə ilə bağlı AzNews.az-a açıqlamasında belə deyib:

"Hər bir insanın inanc yeri var. Onun istəyib-istəməməyi vacib deyil. Kimsə molla istəməyə bilər, amma dəfn prosesində meyit namazı qılınıb qüsur verilməlidir. Bu olmadan dəfn prosesi həyata keçirilə bilməz. Müsəlman qaydasına inanmayanları isə adi qaydada basdıracaqlar".