"Azərenerji”nin və "Azərsu”nun e-xidmət imkanları genişləndirilir

Abonent kodunu daxil etmədən kommunal xidmət haqları ödəmək mümkün olacaq.

Rabitə və Yüksək Texnologiyalar Nazirliyinin Məlumat hesablama mərkəzindən verilən məlumata görə, mərkəz məlumat bazalarının təkmilləşdirilməsi, məlumatların fərdi identifikasiya nömrəsinə (FİN) uyğunlaşdırılması istiqamətində "Azərenerji” və "Azərsu”ya dəstək göstərir.

Belə ki, hazırda "Azərenerji” ASC və "Azərsu” ASC-nin məlumat bazalarında abonent kodlarının FİN-ə uyğunlaşdırılması üzərində iş gedir. Bu proses başa çatdıqdan sonra həmin qurumların təqdim etdiyi e-xidmətlər sadələşməklə yanaşı, digər qurumlarla portal üzərindən informasiya mübadiləsi imkanı yaranacaq. Autentifikasiyadan keçməklə, abonent kodunu daxil etmədən kommunal xidmət haqlarının ödənilməsi və borcun olmaması haqda elektron arayışların portal vasitəsilə verilməsi mümkün olacaq. (baymedia.az)