!["Qarşıdakı aylarda tədricən normal həyatımıza dönə biləcəyik” - Deputat "Qarşıdakı aylarda tədricən normal həyatımıza dönə biləcəyik” - Deputat](/uploads/posts/2021-02/medium/1612535140_92357677_149793743233071_1252943235572039680_o.jpg)
"Dövlətin həyata keçirdiyi tədbirlər, həmçinin vaksinasiya
prosesinin geniş kütlələri əhatə etməsi mərhələli şəkildə alışdığımız
həyat tərzinə keçməyimizə imkan yaradacaq".
Bu sözləri açıqlamasında Milli Məclisin Səhiyyə komitəsinin üzvü Müşfiq Məmmədli deyib.
Onun sözlərinə görə, vaksinasiya koronavirusla bağlı olan riskli
halların aradan qalxmasına şərait yarada bilər: "Koronavirusla mübarizə
tədbirləri çərçivəsində görülən işlər artıq müsbət dinamikanın
yaranmasına səbəb olub. Yoluxmaların sayında azalmalar müşahidə edilir.
Müsbət dinamikanın olması karantin rejimində yumşalmalara səbəb olmuşdu.
Amma məktəblərin və universitetlərdə tədrisin yenidən bərpa olunması
istiqamətində atılan addımlar bizi daha diqqətli və ehtiyatlı olmağa
vadar edir. Mütləq şəkildə qorunma və dezinfeksiya edici tədbirlər
davamlılığını davam etdirməlidir.
Çünki əhali sayındakı yoluxmaların statistik rəqəmlərinə əsasən
hələ də immuniteti formalaşmamış, xəstəliyə yoluxmamış insanların sayı
kifayət qədərdir.
Hələ ki, peyvəndləmənin tibb işçilərini əhatə edən hissəsi həyata
keçirilib. Sonrakı müddətdə isə 65 yaşdan yuxarı, xroniki xəstəliyi və
digər əhali ilə sıx ünsiyyətdə olan peşə sahiblərinin vaksinasiya
olunması yoluxmaların sayında müsbət dinamikanı artıracaq. Bununla da
riskli halların aradan qalxması baş verə bilər”.
Deputat qeyd edib ki, önəmli olan qarşıdakı iki ay ərzində qoruyucu tədbirlərdən maksimum dərəcədə istifadə edilməlidir:
"Yoluxmaların azalması üçün deyilən hər bir qaydalara əməl etmək
lazımdır. Əgər insanlar bu prosesdə diqqətsizliyə yol verməsə, müvafiq
orqanların karantin tədbirləri ilə əlaqədar həyata keçirdiyi bütün
tədbirlərə riayət edilsə, qarşıdakı aylarda biz növbəti yumşaldılmaların
şahidi və tədricən normal həyatımıza dönə bilərik”. (azxeber.com)
Xəbərdən istifadə edərkən istinad etmək vacibdir.