Sumqayıt şəhər Gənclər və İdman Baş İdarəsinin təşkilatçılığı ilə
Prezident mükafatçıları ictimai və gənclər sahəsində fəaliyyətinə görə
Ramiz Əliyev, sosial sahibkarlıq sahəsində fəaliyyətinə görə Sara
Rəcəbli və sahibkarlıq sahələrində xüsusi fərqlənməyə görə Zəhra
Qasımzadənin iştirakı ilə "Uğura aparan yol” mövzusunda Zoom
platformasında görüş keçirilib. Görüşdə şəhərin müxtəlif sahələrini
təmsil edən gənclər iştirak etmişlər.
İlk öncə şəhidlərimizin əziz xatirəsi bir dəqiqəlik sükutla yad edilib.
Tədbirdə çıxış edən Baş İdarənin rəisi Elgün Hümbətov dövlət gənclər
siyasətindən, "Azərbaycan gəncliyi 2017-2021-ci illərdə” Dövlət
Proqramına uyğun olaraq görülən işlərdən danışdı. Qeyd edildi ki, bu cür
görüşlərin keçirilməsi gənclərin dünya görüşünün, bilik və uğurlu
karyera qurmaq bacarığının, yüksək motivasiya formalaşdırılması, asudə
vaxtlarının səmərəli təşkili baxımından əhəmiyyətlidir.
Daha sonra Prezident mükafatçıları öz həyat hekayələri, uğurun sirrləri,
motivasiya, şəxsi inkişaf qaydaları, ona aparan yol barədə biliklərini
gənclərlə bölüşdülər. Qeyd olundu ki, şəxsi inkişaf və uğur insanın
mənfi duyğularını, düşüncələrini, qərəzlərini, müsbət duyğu və
düşüncələrə çevirməyi, qərəzləri yox etməyi qarşısına məqsəd qoyur.
Görüşdə maraqlı müzakirələr aparılmış, gəncləri maraqlandıran suallar cavablandırılmışdır.
Xəbərdən istifadə edərkən istinad etmək vacibdir.
