Ötən gün 10-cu mikrorayon sakinləri keçirdikləri aksiyada (http://xeberle.com/xeber-sumqaytllar-yollarnn-uzrindki-obyekt-tikintisin-etiraz-etdilr-t2573.html) yolu kəsən sahibkara torpağın bələdiyyə tərəfindən satıldığı iddiası səslənmişdi. 

Məsələ ilə bağlı Sumqayıt şəhər Bələdiyyəsinin sədr müavini Sultan Əsədov “Xeberle.com”-a açıqlama verib.

 S. Əsədov  bildirib ki, həmin ərazi 1998-1999- cu illərdə hansısa şəxsə sahibkarlıq fəaliyyəti ilə məşğul olmaq üçün verilib: “Sonradan isə həmin şəxsin maddi gücü çatmadığı üçün ərazi ayrı- ayrı sahibkarlar arasında bölünüb. Ümumilikdə 30 sot (30000 kv.m) ərazini əhatə edir və sahibkarlıq üçün ayrılıb. Orada nə tikildiyini sahibkar özü daha yaxşı bilər. 

Hamısı qanunauyğundur”. Əhali arasında yaranan narazılıqla bağlı isə bələdiyyə rəsmisi bunları deyib: “Bilmək lazımdir ki,tikinti zamanı mühafizə zolağı aparılır, ərazini daha geniş əhatə edir,yollar sağa, sola çəkilə bilər”. 

S. Əsədov sakinlər narahatçılığına əsas gördmədiyini və sözügedən ərazidə daha geniş yol olacağını sözlərinə əlavə etdi. 

Sumqayıt şəhər Memarlıq və Şəhərsalma İdarəsindən münasibət öyrənmək istəyimiz isə baş tutmadı. 

Könül Salahova, xeberle.com