Prezident İlham Əliyev 2015-ci ilin Azərbaycan Respublikasında "Kənd təsərrüfatı ili” elan edilməsi haqqında sərəncam imzalayıb.

Ölkə başçısının bu sərəncamı ekspertlər tərəfindən yüksək qiymətləndirilir. 

Milli Məclisi Aqrar siyasət komitəsinin sədr müavini, "Azərittifaq”ın prezidenti Eldar Quliyev açıqlamasında qeyd edib ki, sərəncam Azərbaycanda aqrar sahədə inkişafa ciddi stimul verəcək: "Azərbaycan neft ölkəsi olmaqla yanaşı, həm də kənd təsərrüfatı ölkəsidir. Burada mütləq qeyd edilməlidir ki, Azərbaycanda yetişdirilən kənd təsərrüfatı məhsulları keyfiyyətinə görə dünya səviyyəsində özünə xüsusi yer tutur. Düşünürəm ki, Prezident Əlham Əliyevin bu sərəncamı ilə ölkəmizdə aqrar sektor daha da inkişaf edəcək, yalnız neft ixrac edən ölkə kimi deyil, kənd təsərrüfatı ixrac edən ölkə kimi də tanınacağıq”. 

Deputat əminliklə deyib ki, bundan sonra Azərbaycanda istifadə edilməyən torpaq sahəsi qalmayacaq: "Bu isə həm yeni iş yerləri deməkdir, həm də kənddən iş arxasınca ayrı-ayrı ölkələrə, şəhərələrə üz tutanların geri qayıtmasına gətirib çıxaracaq. Təbii ki, bu məsələdə fermerlər daha fəal olmalıdırlar”.   (modern.az)