Sumqayıtda Vətən müharibəsi şəhidi, əsgər Həsənquliyev Səbuhi Əlixan oğlunun xatirəsi yad edilib.
Xeberle.com xəbər verir ki, şəhidimizin 19-cu doğum gününə həsr edilmiş xatirə tədbirində Milli Məclisin deputatı Müşfiq Məmmədli, Qafqaz Müsəlmanları İdarəsinin Abşeron, Sumqayıt və Xızı bölgəsi üzrə qazısı, Sumqayıt şəhəri "Cümə" məscidinin axundu Hacı Rauf Sərdarov və şəhər ictimaiyyətinin nümayəndələri şəhid qəhrəmanın ata ocağını ziyarət edib, şəhidimizin şərəfinə hazırlanmış barelyefin açılışında iştirak ediblər.
Millət vəkili şəhidimizin keçdiyi döyüş yolu haqqında danışaraq Vətən müharibəsində göstərdiyi şücaətdən bəhs edib. Ali Baş Komandan İlham Əliyevin rəhbərliyi altında qazanılmış tarixi qələbədə Səbuhi kimi vətən oğullarının müstəsna xidmətini xüsusi ilə vurğulayıb. Şəhidin valideynlərinə nümunəvi övlad yetişdirkləri üçün təşəkkür edərək onu heç zaman untumayacaqlarını söyləyib.
Sonra şəhər ictimaiyyəti ilə birlikdə Sumqayıt şəhidlər xiyabanında qəhrəman şəhidimizin məzarı ziyarət olunaraq üzərinə gül dəstələri qoyulub, ruhuna dualar oxunub.
Xəbərdən istifadə edərkən istinad etmək vacibdir.
