Fevral ayının 28-də Sumqayıt Regional Fövqəladə hallar və Mülki müdafiə şöbəsinin və Qızıl Aypara Cəmiyyəti Sumqayıt şəhər bölməsinin təşkilatçılığı ilə Sumqayıt Dövlət Universitetində “1 Mart Beynəlxalq Mülki Müdafiə günü” münasibəti ilə təlim keçirilib.

 Təlimdə Fövqəladə Hallar Nazirliyi Sumqayıt Regional Mərkəzi, Sumqayıt Regional Fövqəladə Hallar və Mülki Müdafiə şöbəsinin, Sumqayıt şəhər Təcili Tibbi Yardım Stansiyasının həkim briqadaları iştirak edirdilər.

 Həmcinin Qızıl Aypara Cəmiyyəti Sumqayıt şəhər bölməsinin əməkdaşları və 15 nəfərdən ibarət xüsusi geyimli Mobil dəstə üzvləri iştirak edirdilər. Təlim zamanı universitetin ərazisində Mobil dəstə üzvləri tərəfindən ərazidə çadır qurulmuş və bölməyə məxsus olan texniki avadavlıqlar yerləşdirilib.

 Saat 12:00-da həyəcan siqnalı verilməklə tədbirə start verildi. Beləliklə, universitet ərazisində süni yanğın törədildi. Bundan sora əraziyə yanğın söndürən maşınlar və kəşfiyyat qrupu daxil oldu. 

Qızıl Aypara Cəmiyyəti Sumqayıt şəhər bölməsinin Mobil dəstə üzvləri xəsarət almış insanların zonadan çıxarılması və onlara ilk yardım göstərmək üçün çadırlara çatdırılmasında fəal iştirak edib.

Yaralılar mobil dəstə üzvləri tərəfindən təhlükəli ərazidən uzaqlaşdırmış və onlara ayparaçı tibb bacıları tərəfindən ilk yardım göstərilmişdir. Zərərçəkmişlərə ilk yardım göstərildikdən sonra onlar xəstəxanaya çatdırılırdı. 

 Təlimin sonunda rəhbərlik tərəfindən sıra baxışı keçirilmiş, təlimin qənaətbəxş olduğu qeyd edilmiş və təlim iştirakcılarına öz minnətdarlıqlarını bildirdilər.