Ramiz Məcidov nənəsi ilə bağlı maraqlı faktlar deyib.

Onun söylədiyinə görə, Azərbaycanın ən uzunömürlü qadını hesab edilən nənəsi Tahirova Naristan Zahirəli qızı həyatdan bezmir, əksinə, 150 nəvəsini bəhanə gətirərək, 150 də yaşamaq niyyətindədir.

Əhali üzrə statistik idarədən əldə edilən məlumata əsasən, ümumilikdə Lerik rayonunda yaşı 100-dən ötmüş 143 qoca yaşayır. Maraqlıdır ki, onların əksəriyyəti normal şəkildə hərəkət edir, danışır və hətta təsərrüfat işlərində də ailəyə kömək edirlər.

1898-ci ildə Yardımlı rayonunun Solqard kəndində doğulan Tahirova Narıstan uzun illər Lerik rayonunun "Qələbə” kolxozunda sağıcı işləyib. Daha sonra qadın üzümçülüklə məşğul olub. 4 qız, 4 oğul anası olan Narıstan nənənin 150 dən çox nəvəsi, 15-dən çox kötükcəsi var.

Uzunömürlülüyün sirrini təbii qidalanmada və sağlam həyat tərzində görən Narıstan Tahirova süni qidalardan heç bir zaman istifadə etmədiyini və daim ağır zəhmətə qatlandığını bildirib.

Hal-hazırda Biləsuvar rayonunun Zəhmətabad kəndində yaşayan nənə şəxsi üzümçülük bağının təsərrüfat işləri ilə məşğuldur.  (axar.az)