Sumqayıt şəhər Gənclər və İdman Baş İdarəsi, Gənclərin İnkişaf və Karyera Mərkəzinin şəhər nümayəndəliyinin birgə təşkilatçılığı ilə mövcud pandemiya qaydalarına uyğun olaraq beynəlxalq təlimçi Ramil Süleymanov tərəfindən "Qarabağ Abidələri – erməni terroru” İKT vasitəsi ilə təbliğat mövzusunda interaktiv - seminar keçirilib. Təlimin məqsədi Qarabağ ərazisində olan və münaqişə zamanı məhv edilən tarix və mədəniyyət abidələri haqqında məlumatların informasiya texnologiyaları vasitələrindən səmərəli istifadə edərək dünya ictimaiyyətinin nəzərinə çatdırmaqdan ibarətdir.
R.Süleymanov İKT resursları, yeni metodla yanaşmalar, Qarabağa dair yerli və xarici internet resursları, Qarabağ həqiqətlərinin yayılmasında sosial şəbəkələrin rolu mövzusunda öz biliklərini gənclərlə bölüşdü.
Təlimdə maraqlı müzakirələr aparılmış, gəncləri maraqlandıran suallar təlimçi tərəfindən cavablandırılmış və sonda aktiv gənclərə sertifikatlar təqdim edilmişdir.
Xəbərdən istifadə edərkən istinad etmək vacibdir.
