"Vaksinlərə qarşı əks göstərişləri olan, lakin hələ "Əks göstəriş sertifikat”ını ala bilməyən şəxslər bəzi xidmətlərdən, o cümlədən, DOST mərkəzinin xidmətlərindən onlayn qaydada yararlana biləcəklər”.
Xeberle.com xəbər verir ki, bunu "Qafqazinfo”nun sualına cavab olaraq Prezidentin köməkçisi Şahmar Mövsümov bildirib. O qeyd edib ki, sentyabrın 1-dən etibarən ictimai iaşə müəssisələrində, mehmanxanalarda və iri ticarət mərkəzlərində göstərilən xidmətlərdən yalnız vaksin pasportu və ya əks göstəriş sertifikatı olan şəxslər yararlanacaq. Amma onlayn xidmətlərlə bağlı məhdudiyyət yoxdur: "Onlayn xidmətlər hamıya göstərilir, fiziki olaraq gəlməyə məhdudiyyət qoyula bilər. Kimin pasportu yoxdursa, onlayn xidmətdən yararlana bilər”.
Qeyd edək ki, avqustun 9-dan etibarən ölkədə istifadəsinə icazə verilən vaksinlərə qarşı əks göstərişləri olan şəxslərə "Əks göstəriş sertifikat”ının verilməsinə başlanılıb. Sentyabrın 1-dən ictimai iaşə müəssisələrində, mehmanxanalarda və iri ticarət mərkəzlərində göstərilən xidmətlərdən yaşı 18-dən yuxarı olan şəxslər yalnız COVİD-19 pasportu olduğu halda istifadə edə biləcəklər.
Xəbərdən istifadə edərkən istinad etmək vacibdir.
