Tələbə Qəbulu üzrə Dövlət Komissiyasının (TQDK) sədri Məleykə Abbaszadə Zərdab şəhərində vətəndaşlarla görüş keçirib.
Qəbulda Zərdab rayonunun sakinləri ilə yanaşı Ağcabədi, Ağdam, Füzuli və İmişli rayon sakinləri də iştirak ediblər.
Görüş zamanı vətəndaşlar ali və orta ixtisas təhsili müəssisələrinə qəbul prosesi, əlavə təhsil, 2015-ci ildə TQDK tərəfindən keçiriləcək imtahanlarla bağlı, eləcə də bəzi ali təhsil müəssisələrini bitirmələrinə baxmayaraq, diplomun alınmasında qarşılaşdıqları çətinliklər və digər məsələlərlə bağlı müraciətlər ediblər.
TQDK-nın səlahiyyətlərinə aid olan müraciətlərin yaxın vaxtlarda öz həllini tapacağı, Komissiyanın səlahiyyətlərinə aid olmayan müraciətlərin isə aidiyyəti qurumlara ünvanlanacağı qəbula gələn vətəndaşların diqqətinə çatdırılıb. (lent.az)
Xəbərdən istifadə edərkən istinad etmək vacibdir.
