Sumqayıt şəhər Gənclər və İdman Baş İdarəsinin və şəhər Təhsil Şöbəsi nəznində Gənc Müəllimlər Şurasının birgə təşkilatçılığı ilə mövcud pandemiya qaydalarına uyğun olaraq "8 noyabr - Zəfər Günü” və "9 - noyabr Bayraq Günü” nə həsr olunmuş məktəblilər arasında "Bayraqdar” Milli intellektual oyunu keçirilib.
İntellektual oyunun keçirilməsində məqsəd 44 günlük Vətən Müharibəsi və Şanlı Zəfər gününün təbliği, dövlət rəmzlərimizə, milli-mənəvi dəyərlərimizə hörmət hissinin aşılanması, gənclərin intellektual səviyyəsini, zehni inkişafını stimullaşdırması, eləcə də asudə vaxtlarının səmərəli təşkili və dünya görüşünün artırılmasıdır.
Yarışda şəhərin müxtəlif məktəblərini təmsil edən gənclərdən ibarət 6 komanda iştirak etmişdir.
Gərgin və maraqlı keçən yarışmanın sonunda I yeri 4 nömrəli məktəbin "Şuşa qalası”, II yeri 15 nömrəli məktəbin "Zəfər”, III yeri isə 5 nömrəli məktəbin "Dəmir yumruq” komandaları tutmuşdur.
Qalib komandalar Baş İdarənin kubok, fəxri fərman, medal və hədiyyələri ilə təltif edilmişdir.
Xəbərdən istifadə edərkən istinad etmək vacibdir.
