Prezident sərəncam imzaladı.
Azərbaycan Respublikası Prezidenti İlham Əliyev fevralın 3-də "Dərman vasitələri haqqında” Azərbaycan Respublikasının Qanununda dəyişikliklər edilməsi barədə” Qanununun tətbiqi haqqında sərəncam imzalayıb.
Dövlət başçısının rəsmi saytı xəbər verir ki, sərəncama əsasən, bundan sonra apteklərdə dövlət qeydiyyatına alınmış dərman vasitələrinin qiymətlərinin tənzimlənməsini dövlət özü həyata keçirəcək.  
Qeyd edək ki, sənədə əsasən, dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçirilməsi qaydası müvafiq icra hakimiyyəti orqanı tərəfindən təsdiq ediləcək.